Аляксандр Лукашэнка павіншаваў прэзідэнта Украіны Уладзіміра Зяленскага з Днём незалежнасці, паведамляе прэс-служба беларускага кіраўніка.
«Цесныя сувязі паміж нашымі краінамі заўсёды будаваліся на ўзаемнай павазе і добразычлівасці, даверы і падтрымцы. Сёння беларускі і ўкраінскі народы аб'ядноўваюць брацкія адносіны, духоўныя карані, імкненне жыць у згодзе, шматлікія сумесныя праекты», - гаворыцца ў віншаванні.
Кіраўнік дзяржавы выказаў перакананне, што яго сустрэча з украінскім лідарам на II Форуме рэгіёнаў Беларусі і Украіны будзе садзейнічаць далейшаму ўмацаванню стратэгічнага партнёрства, адкрые новыя магчымасці практычнага міждзяржаўнага супрацоўніцтва ў розных галінах.
Аляксандр Лукашэнка пажадаў Уладзіміру Зяленскаму здароўя і ажыццяўлення планаў, а дружалюбнаму народу Украіны - міру, дабрабыту і ўпэўненасці ў заўтрашнім дні.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)