Супрацоўнікі галоўнага ўпраўлення па барацьбе з арганізаванай злачыннасцю (ГУБАЗ) МУС Беларусі выявілі фінансавыя парушэнні пры добраўпарадкаванні Кобрына (Брэсцкая вобласць) у сувязі з падрыхтоўкай да правядзення кірмашу‑фестывалю працаўнікоў вёскі «Дажынкі‑2009».
Як паведамілі БелаПАН у ГУБАЗ, адзін з субпадрадчыкаў значна завысіў кошт будаўнічых і апрацоўчых матэрыялаў, што выкарыстоўваюцца для добраўпарадкавання гарадскіх аб’ектаў.
Выявіўшы парушэнні, супрацоўнікі ГУБАЗ накіравалі субпадрадчыку ліст з перасцярогай аб недапушчэнні закуплівання матэрыялаў па завышаных цэнах і рэкамендацыяй узгадніць цэны ва ўстаноўленым парадку, што і было выканана.
Пра парушэнні аператыўнікі праінфармавалі старшыню Брэсцкага аблвыканкама Канстанціна Сумара, які дадаткова накіраваў спецыялістаў для правядзення тэхнічнага агляду і кантролю за выкарыстаннем бюджэтных сродкаў, выдзеленых на правядзенне «Дажынак‑2009» у Кобрыне.
Як заявілі ў ГУБАЗ МУС, дзякуючы працы па кантролі за выкарыстаннем бюджэтных сродкаў прадухілены эканамічны ўрон дзяржаве на 214 млн. рублёў.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)