Наколькі падаражэла садавіна і гародніна за час прадуктовага «эмбарга»
У Беларусі выключылі з прадуктовага «эмбарга» некаторыя віды гародніны і садавіны. Паглядзелі, як змяніліся цэны на іх за час дзеяння абмежаванняў на імпарт.
Цэны на некаторыя прадукты мы зафіксавалі ў снежні. Забарона на іх увоз з «недружалюбных» краін пачала дзейнічаць з 1 студзеня.
За гэты час, напрыклад, яблыкі падаражалі на 90-105 працэнтаў. Калі ў канцы мінулага года на прылаўках былі танныя польскія, то цяпер — дарагія турэцкія плады. Часам сустракаюцца расійскія яблыкі, але да таго, якая сапраўды краіна іх паходжання, узнікае пытанне.
Падобныя знешне грушы дадалі ў цане 28 працэнтаў. Цяпер у крамах прадаюцца турэцкія фрукты замест райнешых бельгійскіх.
Салодкі перац стаў каштаваць больш у два разы — плюс 107 працэнтаў. У снежні гэта быў перац з Іспаніі, цяпер — з Турцыі.
Пастанова Саўміна №245 выводзіць з-пад абмежаванняў таксама імпарт з Еўропы салатнай гародніны, баклажанаў, гарбузоў, кабачкоў. Дакумент набывае моц 27 красавіка.
Нагадаем, за апошнія месяцы істотна выраслі цэны на некаторыя іншыя прадукты. Так, цукар за адну ноч падаражаў амаль на 40 працэнтаў. Улады тлумачылі, што гэта прэвентыўная мера для абароны ўнутранага рынку.
Цяпер чытаюць
Гісторыя арышту мазырскай блогеркі, якая некалькі гадоў хавалася ад сілавікоў, аказалася драматычнай6
Каментары