Канцэрт «Сваіх не кідаем», прымеркаваны да Дня абаронцаў Айчыны. Крыніца: obitel-minsk.ru
Аўтары ліста сцвярджаюць, што інфармацыя пра куплю дронаў і аўтамабіляў для расійскага войска ў манастыры хлуслівая. У тэксце сказана, што манастыр не займае нічый бок у вайне і не дапамагае вайскоўцам, паведамляе «Хрысціянская візія».
У манастыры запэўніваюць, што дапамагаюць толькі сіротам, бяздольным і беднякам. Толькі некаторыя манашкі, як сцвярджаецца, удзельнічаюць у гуманітарнай місіі і дапамагаюць ахвярам вайны.
Аўтары ліста просяць «не верыць паклёпу, які распаўсюджваецца ў дачыненні да манастыра» і «захоўваць дух сяброўства паміж праваслаўнымі і каталікамі».
Журналісты раней неаднаразова знаходзілі доказы дапамогі, якую аказвае манастыр расійскім вайскоўцам. На грошы, сабраныя ў ім, закупляліся ў тым ліку аўтамабілі для расійскай арміі. Акрамя таго, у манастыры праходзілі выставы, прысвечаныя расійскім «героям СВА», а таксама хросныя хады і канцэрты з Z-сімволікай ды расійскімі сцягамі.
Чытайце таксама:
У Свята-Елісавецінскім манастыры зноў правялі хрэсны ход з расійскімі сцягамі, Z і сцягамі НОД
Як былы хіпі стаў на чале манастыра. Гісторыя адыёзнага святара Андрэя Лемяшонка
Як Свята-Елісавецінскі жаночы манастыр ператварыўся ў сапраўдны бізнэс-холдынг
