«Прыгажосць са шнарамі»: украінскі Playboy зрабіў спецпраект са скалечанымі жанчынамі
Галоўнымі гераінямі майскага праекта ў эратычным часопісе сталі ўкраінкі, якія атрымалі сур'ёзныя траўмы падчас вайны.
Пазуюць мадэлі ў сукенках украінскіх дызайнераў і з упрыгожаннямі з калекцыі «Каханне вартае ўсяго». Адзначаецца, што прысвечаны праект жаночай прыгажосці, якая не знікае пасля траўмы: «Аб прыняцці, якое пачынаецца з сумленнага, далікатнага погляду на сябе новую — без забабонаў. Гэтая прыгажосць не для параўнання. Яна — каб натхняць».
Нагадаем: красавіку 2022 года эратычны часопіс прысвяціў спецвыпуск вайне. Яго можна было набыць анлайн за суму ад 10 да 200 еўра (чалавек сам мог выбраць), якая пасля пайшла на дапамогу фронту.
У жніўні 2023 «Playboy Украіна» прэзентаваў першы друкаваны выпуск за час поўнамаштабнай вайны. На вокладцы тады была хірург, мадэль і тэлевядучая Ірына Белацарковец, якая была параненая падчас абстрэлу Кіеўскай вобласці і страціла вока. Таксама ў часопісе былі змешчаны аповеды іншых украінскіх жанчын, удзельніц праекта Women Stay Strong, якія атрымалі траўмы падчас вайны.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары