Адносіны паміж двума самымі ўплывовымі людзьмі ў свеце — Дональдам Трампам і Іланам Маскам — рэзка пагоршыліся. Пасля таго як Белы дом адклікаў кандыдатуру саюзніка Маска на кіраўніка NASA, Ілан публічна назваў падатковы законапраект «мярзотным» і заклікаў: «KILL THE BILL». Трамп — здзіўлены і не хавае расчаравання, піша WSJ.
Паводле выдання, напружанасць паміж Іланам Маскам і Дональдам Трампам вырасла пасля таго, як Белы дом адмовіўся ад прызначэння Джарэда Айзэкмана, чалавека з блізкага кола Маска, на пасаду кіраўніка NASA.
Маск лічыць, што яго сябра «адхілілі несправядліва» і на гэта адрэагаваў рэзка. Ён абураўся, што зрабіў шмат для перамогі Трампа на выбарах, а ў адказ — страта ўплыву:
«Я ахвяраваў сотні мільёнаў на выбарчую кампанію, і вось што атрымліваю?»
У сацсетках Маск абрынуўся на новую падатковую ініцыятыву рэспубліканцаў, якую Трамп называе сваёй «вялікай перамогай». «Гэта мярзотны абсурд!» — напісаў Маск. «KILL THE BILL!» — заклікаў ён 200+ мільёнаў сваіх падпісчыкаў.
Ён сцвярджае, што дакумент шкодзіць эканоміцы і падрывае будучыню чыстай энергетыкі — асабліва праз адмену льгот для электрамабіляў. Гэта наўпрост б’е па Tesla, якой Маск кіруе.
Прэзідэнт Трамп не каментаваў крытыку наўпрост, але, паводле крыніцы ў Белым доме, ён «збянтэжаны і не разумее, чаму Маск раптам стаў ворагам пасля чатырох месяцаў шчыльнага супрацоўніцтва».
«Трамп умее дараваць, але не забывае», — сказаў адзін з яго дарадцаў.
-
Затрыманага ў Францыі расійскага баскетбаліста абмянялі на асуджанага ў Расіі француза
-
Куба даўно не жыла добра. Пры гэтым яе эканамічная мадэль і дэмаграфічнае падзенне моцна нагадвае лукашэнкаўскую. Ёй канец?
-
Старадрукі, якія выкрадаліся з бібліятэкі Варшаўскага ўніверсітэта, вывозіліся ў Маскву праз Мінск
Каментары
Вон Браун у Польшчы прызывау вярнуць Вэнгель ))