Епіскап Аб’яднанай царквы хрысціян веры евангельскай Сяргей Цвор просіць дзяржаўныя органы правесці расследаванне неправавых дзеянняў адміністрацыі папраўчай калоніі № 20 Мазыра ў дачыненні да зняволенага Змітра Дашкевіча.
Адпаведны зварот святар накіраваў у Камітэт па справах рэлігій і нацыянальнасцяў, Генеральную пракуратуру і дэпартамент выканання пакаранняў МУС, паведамляе
Епіскап паведамляе, што 26 верасня ў СМІ з’явілася інфармацыя аб ціску, што аказваецца на Дашкевіча з боку адміністрацыі калоніі.
Паведамлялася, у прыватнасці, што прадстаўнікі адміністрацыі зневажальна выказваліся наконт пратэстанцкіх цэркваў і евангельскай веры Дашкевіча, а таксама з іх вуснаў гучалі пагрозы згвалтавання.
«Зміцер Дашкевіч з’яўляецца членам царквы хрысціян веры евангельскай „Ян Прадвеснік“ Мінска з 2006 года.
Яго арышт і асуджэнне за нібыта ўчынены ім напад на двух мужчын выклікалі шмат пытанняў як непраўдападобнасцю такіх дзеянняў з боку верніка, так і дзіўным правядзеннем працэсу, калі пацярпелых ніхто не бачыў.Інфармацыя аб ціску, што аказваецца ў калоніі на Дашкевіча, выклікае нашу трывогу і заклапочанасць. Асабліва дзіўна, што
начальнік калоніі Юрый Збароўскі, які называе сябе праваслаўным і па статусе закліканы адказваць за законнасць і правапарадак, дазваляе сабе зневажальнае стаўленне да евангельскіх вернікаў», — напісаў Цвор.
Ён адзначыў, што дзякуючы дзейнасці евангельскіх хрысціян «многія асуджаныя пакідаюць сваё ранейшае злачыннае жыццё і становяцца нармальнымі членамі грамадства».
«Але перш за ўсё, пагрозы і знявагі недапушчальныя ў дачыненні да любога чалавека, верніка або не, бо кожны чалавек ёсць вобразам Божым і ўсялякая знявага чалавека ў нейкай меры зневажае і Творцу.Нядзіўна, што знявагі і пагрозы, у тым ліку і пагрозы згвалтавання, што гучаць з вуснаў прадстаўнікоў адміністрацыі калоніі, прымусілі Дашкевіча да такой крайняй формы пратэсту, як галадоўка», — адзначае Цвор.
Епіскап просіць правесці ўсебаковае расследаванне фактаў неправавых дзеянняў адміністрацыі мазырскай папраўчай калоніі № 20 у дачыненні да Дашкевіча і прыняць меры па недапушчэнні падобных фактаў у будучыні.«А мы, у сваю чаргу, будзем маліцца ў памесных цэрквах, каб жыццё і здароўе Змітра Дашкевіча былі
- Зміцер Дашкевіч і яго паплечнік па «Маладым фронце» Эдуард Лобаў былі затрыманыя напярэдадні апошніх выбараў прэзідэнта, 18 снежня 2010 года, па абвінавачанні ў збіванні двух мужчын. Прадстаўнікі апазіцыі і праваабаронцы расцанілі іх арышт як прэвентыўную меру па «зачыстцы» грамадства перад выбарамі. У сакавіку 2011 года суд прыгаварыў Дашкевіча да двух гадоў пазбаўлення волі ў калоніі агульнага рэжыму.
- Лідар «Маладога фронту» адбываў пакаранне ў
- 19 верасня Дашкевіч паступіў у
- Паводле інфармацыі праваабарончай арганізацыі «Платформа», якая займаецца праблемамі правоў чалавека ў месцах пазбаўлення волі, Дашкевіча рэгулярна выклікаюць на камісію, якая складаецца з кіраўнікоў калоніі, дзе ён зведвае «знявагі ў грубай форме»; «пагрозы зрабіць з яго псіхічна хворага з прымусовым лячэннем»; «пагрозы памясціць яго ў штрафны ізалятар, дзе, па пагрозах начальніка рэжымнага аддзела, ён зведае сексуальнае насілле з боку іншых зняволеных»; «пагрозы фізічнага знішчэння».
0
0
0
0
0
0
