Alaksiej Bieły — adzin z samych vybitnych i paznavalnych tvorcaŭ Baranavič, čyje knihi prasiaknuty ščyrymi pačućciami da rodnaj ziamli i jaje ludziej.
Alaksiej Bieły — nie tolki talenavity paet, ale i prafiesijny žurnalist, siabar Sajuza biełaruskich piśmieńnikaŭ, Biełaruskaj asacyjacyi žurnalistaŭ, a taksama Biełaruskaha PEN-centra, jaki jość častkaj suśvietnaj arhanizacyi prafiesijnych piśmieńnikaŭ — Mižnarodnaha PEN-kłuba. Ad 2006 hoda Alaksiej Bieły taksama — dyrektar-hałoŭny redaktar pryvatnaha ŭnitarnaha pradpryjemstva «InteksPres-Rehijon».
Z-pad piara paeta Biełaha na siońnia vyjšła piać paetyčnych zbornikaŭ: «Tridcať vtoroje avhusta» (1994), «Nievolničji pieśni» (1997), «Kalarovyja sny» (1999), «Boski viecier pravincyi» (2002) i «Kvietki ŭ stahach» (2010).
Jak raspavioŭIntex-press sam paet, nieŭzabavie musić ubačyć śviet šostaja kniha jaho vieršaŭ, jakaja budzie nazyvacca «Pryvatny siektar»:
«Momantaŭ, kali ciabie štości ździŭlaje i ŭražvaje, z hadami źjaŭlajecca ŭsio mieniej. Tamu, viadoma, u junactvie pisałasia bolš, čym ciapier. Darosły čałaviek uvieś čas zaniaty niejkimi spravami. Hetaha patrabuje i rytm ciapierašniaha žyćcia. U nas va ŭsich jość abaviazki pierad blizkimi ludźmi i my musim vykonvać ich sumlenna. A na tvorčaść zastajecca ŭžo tolki toje, što zastajecca. Ale ŭ mianie niama škadavańnia z toj nahody, što ja nie addaju svajoj tvorčaści ŭvieś čas. Kali Boh daŭ nam hetu zdolnaść, to čałaviek znojdzie čas i pakinie paśla siabie ŭsio, što jamu nakanavana pakinuć».
Redakcyja Intex-press vinšuje Alaksieja Biełaha ź jubilejem i zyčyć jamu mocnaha zdaroŭja, plonu i novych adkryćciaŭ u tvorčaści i žyćci!
