Biełaruś na praciahu mnohich hadoŭ słužyć prykładam palityčnaj i sacyjalnaj stabilnaści, i ŭ hetym niemałaja zasłuha jak orhanaŭ ułady, tak i ŭsich siłavych struktur,zajaviŭ Alaksandr Łukašenka 23 lutaha na pryjomie kirujučaha składu Uzbrojenych sił i pravaachoŭnych orhanaŭ z nahody Dnia abaroncaŭ Ajčyny i Uzbrojenych sił.
«Adzinstva naroda i mir — heta samaje darahoje, što ŭ nas jość. Tolki va ŭmovach zhody i parazumieńnia mahčymaje praćvitańnie hramadstva», — pryvodzić słovy Łukašenki
Jon adznačyŭ, što daloka nie ŭsie palityki sučasnych zvyšdziaržaŭ zasvoili horkija ŭroki historyi.
«Naroščvajecca vajenny patencyjał Paŭnočnaatłantyčnaha aljansu na terytoryi sumiežnych ź Biełaruśsiu krain. Miljony dołaraŭ vydzialajucca na padtrymku apazicyjnych sił, jakija staviać na mecie destabilizavać situacyju ŭ krainie i źmianić kanstytucyjny ład», —skazaŭ aficyjny lidar.
«Na ščaście, biełarusy dobra pamiatajuć, da jakich trahičnych nastupstvaŭ pryvodziać sproby roznych „cyvilizataraŭ“ ustanavić suśvietnaje panavańnie i naviazać narodam čužuju volu. Z pahardaj staviacca da tych, chto zdradžvaje intaresam Ajčyny, hańbić jaje dobraje imia i słužyć našym niadobrazyčliŭcam», — zajaviŭ Łukašenka.
Na jaho dumku,
u krainie nadziejna zabiaśpiečvajecca vajennaja biaśpieka, pastaŭlena mahutnaja zasłona lubym prajaŭleńniam ekstremizmu i antykanstytucyjnych dziejańniaŭ.
0
0
0
0
0
0