Bačycie ptušku? Voś z hetaha komina, mahčyma, užo ŭ aŭtorak i pojdzie bieły dym, jaki abvieścić pra abrańnie novaha Papy. Fota Rustema Adahamava.
U apošnija dni favarytam bukmiekieraŭ staŭ arcybiskup Miłana Andžeła Skoła.
Ułady Vatykana rasparadzilisia ŭstalavać śpiecyjalnaje abstalavańnie dla hłušeńnia sihnałaŭ sotavaj suviazi na terytoryi Sikstynskaj kapeły, dzie źbirajecca kankłaŭ kardynałaŭ dla vybaraŭ novaha Papy.
Akramia taho, techničny i absłuhoŭvajučy piersanał, jaki budzie znachodzicca ŭ kapele padčas abrańnia novaha pantyfika, prymusili paklaścisia ŭ zachavańni sakretnaści. Čakajecca taksama, što navat u pamiaškańniach, dzie kardynały i słuhi buduć spać, nijakich kamunikacyjnych pryładaŭ nie budzie.
Słužby biaśpieki Vatykana pastaviać śpiecyjalnyja sistemy, jakija nie dazvolać pracavać u kapele elektronnym «žučkam» roznych typaŭ.
Hetak strohija miery biaśpieki pradyktavanyja tradycyjaj: nichto nie pavinien viedać ab chodzie kardynalskich debataŭ adnosna novaha Papy.Za zachavańniem tajny sočać nastolki stroha, što jaje raskryćcio (chto b za im nie stajaŭ) karajecca adłučeńniem ad carkvy.
Raniejšy Papa — Bieniedykt XVI — zroksia ad tronu ŭ lutym. Jozaf Ratcynhier byŭ abrany Papam u krasaviku 2005 h., paśla śmierci Jana Paŭła II. Kankłaŭ u 2005 h. doŭžyŭsia krychu bolej sutak i adbyŭsia ŭ čatyry tury.
Kali abirajuć Papu, to nad Sikstynskaj kapełaj uzdymajecca bieły dym.Dymachod ustalavali jašče na vychodnych.
