17 sakavika 2012 h. stała viadoma, što asudžanyja za terakt u minskim mietro Dźmitryj Kanavałaŭ i Uładzisłaŭ Kavaloŭ rasstralanyja. Ich rodnyja atrymali ŭ hety dzień adpaviednyja rašeńni Viarchonaha suda.
Apošniaje spatkańnie Lubovi Kavalovaj z asudžanym na pakarańnie śmierciu synam adbyłosia ŭ śledčym izalatary (SIZA) KDB 11 sakavika 2012 hoda. Maci pakaranaha i pravaabaroncy ličać, što Uładzisłaŭ byŭ pakarany ŭ pieryjad z 12 pa 15 sakavika. Dakładnaj infarmacyi pa hetym pytańni niama. 14 sakavika stała viadoma, što Łukašenka admoviŭsia ich pamiłavać.
NaLuboŭ Kavalova praciahvaje zmahacca za toje, kab viarnuć cieła syna.
***
u vyniku vybuchu na stancyi mietro «Kastryčnickaja» ŭ Minsku 11 krasavika 2011 hoda zahinuli 15 čałaviek, 315 — paciarpieli. Va ŭčynieńni teraktu byŭ abvinavačany Dźmitryj Kanavałaŭ, Uładzisłava Kavalova pryznali jaho saŭdzielnikam. Abodva byli žycharami Viciebska. 30 listapada 2011 hoda Viarchoŭny sud pryhavaryŭ maładych ludziej da vyšejšaj miery pakarańnia. Kanavałaŭ pryznaŭ svaju vinu ŭ sudzie i pa pamiłavańnie da prezidenta nie źviartaŭsia, Kavaloŭ takoje prašeńnie padaŭ.