Da 3 hadoŭ abmiežavańnia voli asudžany dyrektar navapołackich firmaŭ "Aŭtaparytet" i "Vitamin" spadar Pachomienka za padman spažyŭcoŭ.
Pavodle źviestak pres-centra Hienieralnaj prakuratury, biznesmien stvaryŭ u Navapołacku arhanizavanuju hrupu, jakaja zajmałasia padrobkaj dyzielnaha paliva. Technałohija padmanu, pa jakoj dziejničali afierysty, była nie novaj. Machlary nabyvali tannaje piačnoje i reaktyŭnaje paliva, źmiešvali i pradavali surahat pad vyhladam ekałahična čystaj salarki. Usiaho, pa infarmacyi Hienprakuratury, Pachomienka i kampanija letaś realizavali fizičnym i jurydyčnym asobam bolš za 120 ton falšyvaha dyzpaliva na ahulnuju sumu zvyš 172 młn rubloŭ. Admietna, što złačyncy sprabavali nadać svajmu biznesu "zakonny vyhlad": arandavali aŭtazapravačnyja stancyi, afarmlali fiktyŭnyja dahavory i tavarna-transpartnyja nakładnyja ab pastaŭkach naftapraduktaŭ praź iłžepradprymalnickija struktury. Tym nie mienš supracoŭnikam pravaachoŭnych orhanaŭ udałosia vyjavić arhanizatara afiery i pryciahnuć da adkaznaści.
