39 hramadzian u stanie ałkaholnaha apjanieńnia pastupili ŭ Rečyckuju centralnuju rajonnuju balnicu padčas śviatkavańnia fiestyvalu "Dažynki—2007", što prachodziŭ 21—23 vieraśnia. Pra heta BiełaPAN paviedamiŭ namieśnik hałoŭnaha ŭrača balnicy Viktar Vasilevič. Jak zaŭvažyŭ surazmoŭca, amal hetkaja ž kolkaść pjanych byvaje ŭ miedustanovach u zvyčajnyja vychadnyja dni.
"Z surjoznymi atručeńniami z-za ŭžyvańnia ałkaholnych surahataŭ nikoha nie pryvozili. Paśla našaha nazirańnia na praciahu troch-čatyroch hadzin ludzi samastojna išli dachaty. Z vostrymi kišačnymi infiekcyjami i charčovymi atručeńniami taksama nichto nie pastupaŭ — sanitarnaja słužba i handal spracavali dobra", — zaznačyŭ V.Vasilevič.
Pavodle słoŭ namieśnika hałoŭnaha ŭrača, zamiežnyja hramadzianie pa miedycynskuju dapamohu ŭ rajonnuju balnicu nie źviartalisia, za vyklučeńniem adnoj žančyny z Estonii, jakaja paskardziłasia na vyvich.
