Na naradzie pa pytańniach budaŭnictva na terytoryi Minskaj vobłaści žyłych rajonaŭ dla žycharoŭ Minska vystupiŭ staršynia Kamiteta dziaržkantrolu Alaksandr Jakabson. Jon prapanavaŭ try sposaby spynieńnia rostu nasielnictva Minska.
Pa-pieršaje, na dumku Jakabsona,
metazhodna vynieści častku administracyjnych funkcyj ź Minska ŭ inšyja harady, u tym liku harady-spadarožniki, kab nadać impuls ich raźvićciu.
Naprykład, adznačyŭ jon, u Zasłaŭje mohuć być pieraniesienyja kiraŭničyja struktury Minskaha abłasnoha i rajvykankama, inšych arhanizacyj abłasnoha i rajonnaha padparadkavańnia.
Druhi sposab — stvarać pryvabnyja ŭmovy dla prytoku studentaŭ u abłasnyja centry i bujnyja harady.
Pavodle słovaŭ Jakabsona, heta možna zrabić za košt navučańnia pa šerahu zapatrabavanych śpiecyjalnaściaŭ pieravažna ŭ rehijonach, a taksama zasiarodziŭšy tam asnoŭny limit biudžetnych miescaŭ.
Pa-treciaje, Jakabson prapanuje pieravažna budavać žyllo ŭ rehijonach.
«Siońnia Minski rajon buduje žylla ŭ 1,5 razu bolš, čym Viciebskaja vobłaść abo Mahiloŭskaja. Tolki aptymizacyja pracy na ŭsich napramkach daść istotny vynik, a sami harady-spadarožniki hetuju situacyju nie vypraviać», — upeŭnieny staršynia KDK.