Kitaj nie ŭmiešvajecca va ŭnutranyja spravy Ukrainy i hatovy da praciahu ŭsiebakovaha ŭzajemavyhadnaha kitajska-ŭkrainskaha supracoŭnictva.
Ab hetym skazała ŭ paniadziełak na rehularnym bryfinhu aficyjny pradstaŭnik MZS KNR Chua Čuńjin, pieradaje RIA Naviny.
«My pavažajem vybar ŭkrainskaha naroda, zrobleny na asnovie asablivaściaŭ situacyi ŭ krainie. My razhladajem Ukrainu jak važnaha stratehičnaha partniora i hatovyja padtrymlivać raźvićcio ŭsiebakovaha supracoŭnictva na asnovie pryncypaŭ roŭnaści i ŭzajemnaj vyhady», — skazała Chua Čuńjin.
Jana nie stała kamientavać situacyju, źviazanuju z rašeńniem Viarchoŭnaj Rady adchilić Viktara Janukoviča z pasady prezidenta Ukrainy, ale zaklikała baki «vyrašyć usie pytańni i ŭ samyja karotkija terminy dasiahnuć palityčnaj stabilnaści i adnaŭleńnia hramadskaha paradku ŭ ramkach zakona mirnymi sposabami šlacham palityčnych kansultacyj».
