Staršynia Viarchoŭnaj Rady, v.a. prezidenta Ukrainy Alaksandr Turčynaŭ zaklikaje Rasijskuju Fiederacyju spynić šantaž i advieści vojski ad miažy z Ukrainaj.
«My patrabujem ad Rasijskaj Fiederacyi spynić umiašalnictva va ŭnutranyja spravy Ukrainy, spynić pastajannyja pahrozy i šantaž i advieści svaje vojski ad uschodniaj miažy našaj krainy», — skazaŭ jon u svaim telezvarocie ŭ čaćvier viečaram.
A.Turčynaŭ zajaviŭ, što «Rasijskaja Fiederacyja kaardynuje i adkryta padtrymlivaje zabojcaŭ-terarystaŭ, jakija dziejničajuć sa zbrojaj u rukach na Uschodzie našaj krainy».
«Nie majučy nijakich padstaŭ, kiraŭnictva Rasiei dazvalaje sabie nachabnym čynam ŭmiešvacca va ŭnutranyja spravy Ukrainy», — padkreśliŭ kiraŭnik ukrainskaj dziaržavy. — Rasija na dziaržaŭnym uzroŭni padtrymlivaje teraryzm u našaj krainie mienavita ŭ toj čas, kali rasijskija hramadzianie ŭvieś čas pakutujuć ad terarystyčnych napadaŭ na svajoj terytoryi. Vojny, terakty, rehijanalny sieparatyzm — heta viadomyja rasijskija prablemy, jakija zaraz štučna sprabujuć pieranieści va Ukrainu», — padkreślivaje A.Turčynaŭ.
Pavodle jaho słoŭ, paśla paśpiachovych krokaŭ ukrainskich siłavych struktur pa baraćbie z teraryzmam «Rasijskaja Fiederacyja pierajšła ad publičnych pahroz u naš adras da demanstratyŭnaj kancentracyi Uzbrojenych sił niepasredna na ŭschodniaj miažy našaj dziaržavy», akramia taho, idzie «razhortvańnie i pavieličeńnie kolkaści padraździaleńniaŭ, jakija ŭžo doŭhi čas stvarajuć pahrozu dla biaśpieki našaj krainy».
A.Turčynaŭ adznačyŭ, što terarysty ŭziali ŭ zakładniki faktyčna ŭvieś Daniecki rehijon, užo daŭno pierajšli hrań čałaviečnaści. «Uzbrojenyja złačyncy zachoplivajuć administracyjnyja budynki, biaruć u zakładniki hramadzian, u pryvatnaści ukrainskich i zamiežnych žurnalistaŭ, katujuć i zabivajuć patryjotaŭ Ukrainy», - padkreśliŭ jon.
Jon znoŭ zajaviŭ, što adnaŭleńnie antyterarystyčnaj apieracyi było vyklikana realnaj niebiaśpiekaj i nieabchodnaściu abaranić ludziej.
A.Turčynaŭ zapeŭniŭ, što ŭłada nie budzie adstupać pierad terarystyčnaj pahrozaj i praciahnie ŭ dalejšym prymać miery pa abaronie žyćcia hramadzian.
