6 červienia prezident Rasii Uładzimir Pucin pryjedzie na 70-ju hadavinu vysadki sajuźnikaŭ u Narmandyi. Adnak za kulisami, jak paviedamlaje niamieckaje vydańnie Bild, viaducca intensiŭnyja pieramovy pra toje, jakim čynam Zachad moža maksimalna jasna vykazać pratest z nahody dziejańniaŭ Rasii va Ukrainie i anieksii Krymu.
Niekatoryja kiraŭniki zamiežnych dziaržaŭ i ŭradaŭ, u tym liku prezident ZŠA Barak Abama i karaleva Vialikabrytanii Lizavieta II, zahadzia dali zrazumieć, što nie žadajuć siadzieć na trybunie pobač z rasijskim lideram i fatahrafavacca ź im. Viedamstva fiederalnaha kanclera FRH taksama pierakanana ŭ nieabchodnaści prademanstravać vidavočnuju dystancyju ŭ adnosinach da Pucina, adznačaje vydańnie.
«Pakolki admiena zaprašeńnia abo demanstratyŭnaje vyklučeńnie Pucina, jaki źjaŭlajecca pradstaŭnikom krainy-pieramožcy, budzie rascenienaje jak abraza, razhladajecca, u pryvatnaści, mahčymaść admovy ad dvuchbakovych pieramovaŭ z Pucinym padčas mierapryjemstva», — havorycca ŭ artykule, jaki cytuje partał InoPressa.
Urešcie, zaklučaje Bild, usie arhanizacyjnyja pytańni — chto z kim budzie stajać i siadzieć — treba budzie vyrašyć haspadyni mierapryjemstva, Francyi.