Kiraŭnik Antyterarystyčnaha centra Vasil Krutaŭ zajaŭlaje, što ŭžo ŭ najbližejšy čas miaža z Rasiejaj budzie zabłakavanaja.
Pra heta paviedamlaje pres-centr ATC.
«Za ŭsie hady niezaležnaści Ukrainy nie čakała ahresii z hetaha boku. Tamu fizična niemahčyma było imhnienna zakryć miažu. Ale my chutka vučymsia i robim pravilnyja vysnovy. Zaraz prymajucca nieabchodnyja pieramiaščeńni sił, što daść mahčymaść užo ŭ najbližejšyja dni zabiaśpiečyć błakavańnie miažy», — adznačyŭ Krutaŭ.
«Heta — adzin z klučavych krokaŭ, paśla čaho dla dasiahnieńnia pośpiechu antyterarystyčnaj apieracyi spatrebicca zusim niašmat času. Kiraŭnictva ATC dziejničaje dosyć prafiesijna i krytykavać ich dziejańni ja nie baču sensu», — adznačyŭ jon.
Adkazvajučy na pytańnie ab tym, ci mahčyma vyrašyć pytańnie sieparatyzmu, jon adkazaŭ:
«Adnosna praktyčnych dziejańniaŭ na paŭdniovym uschodzie: antyterarystyčnaja apieracyja maje try fazy: ačyścić, utrymać, adnavić. Heta značyć, pieršym krokam abiasškodžvajucca ŭzbrojenyja terarysty, zatym zabiaśpiečvajecca kantrol nad rajonam praviadzieńnia antyterarystyčnaj apieracyi, a dalej — u poŭnym abjomie adnaŭlajecca funkcyjanavańnie orhanaŭ dziaržaŭnaj ułady», — rastłumačyŭ jon.
«Ale dla dasiahnieńnia pośpiechu nieabchodna adnavić peŭny davier nasielnictva. I heta tyčycca nie tolki Danbasa. Treba razumieć, što zadača procidziejańnia teraryzmu vychodziać za daloka za miežy ATA ŭ asobnych rehijonach i vyzvaleńnia hetych terytoryj ad terarystyčna-dyviersijnych hrup i ŭzbrojenych band farmiravańniaŭ», — ličyć Krutaŭ.
Jon taksama ličyć, što nieabchodna terminova pierahladać dziaržaŭnuju kancepcyju baraćby z teraryzmam, pryniataj tady, kali Ukraina adnosiłasia da dziaržaŭ ź nizkim uzroŭniem terarystyčnaj pahrozy.
