Zarabotnuju płatu ŭsim rabotnikam miedycynskaj śfiery pavysiać vosieńniu. Ab hetym siońnia žurnalistam paviedamiŭ ministr achovy zdaroŭja Biełarusi Vasil Žarko pierad uračystaj cyrymonijaj, pryśviečanaj Dniu miedycynskich rabotnikaŭ.
Raniej Ministerstva achovy zdaroŭja prapanoŭvała pavialičyć zarpłatu ŭsim miedrabotnikam z 1 lipienia.
«Nam treba padličvać našy mahčymaści: ź lipienia pačniecca adpusknaja para. My možam pavysić zarpłatu i ciapier, ale jana budzie nie nastolki značnaj, jak kali heta zrabić vosieńniu, — adznačyŭ ministr. — Da vosieni my dastojna pavysim zarpłatu, i jana budzie značna vyšejšaj za ciapierašniuju».
Ciapier siaredniamiesiačnaja zarpłata składaje Br4 młn 290 tys., va ŭračoŭ — Br6 młn 400 tys., u siarednich miedrabotnikaŭ z ulikam sumiaščeńniaŭ — Br4 młn 300 tys.
