Prakuraturaj Minskaj vobłaści nakiravana ŭ sud kryminalnaja sprava ŭ dačynieńni da 58-hadovaha hramadzianina Hruzii, jaki maje vid na žycharstva ŭ Biełarusi.
Jak paviedamiła staršy prakuror Upraŭleńnia śledčaha kamiteta pa Minskaj vobłaści Taćciana Kučynskaja, dziejańni abvinavačvanaha orhanami papiaredniaha rasśledavańnia kvalifikavanyja pa č. 2 art. 380 KK (padroblivańnie i zbyt padroblenych dakumientaŭ) i č. 2 art. 381 KK (padroblivańnie identyfikacyjnaha numara transpartnaha srodku).
Śledstvam ustanoŭlena, što abvinavačvany z krasavika pa žnivień 2013 hoda vyrablaŭ padroblenyja paśviedčańni ab rehistracyi aŭtamabilaŭ, paśla čaho ŭnosiŭ u ich zaviedama niepraŭdzivyja źviestki ab źniaćci transpartnych srodkaŭ z uliku ŭ UDAI HUUS Minharvykankama, a taksama staviŭ padroblenyja adbitki kliše kruhłaj hierbavaj piačatki nazvanaha padraździaleńnia milicyi.
Adnym z epizodaŭ jaho złačynnaj dziejnaści stała ŭniasieńnie zaviedama niedakładnych źviestak ab źniaćci transpartnaha srodku z uliku dla nastupnaha prodažu i padroblivańnie paśviedčańnia ab rehistracyi i rehistracyjnych znakaŭ aŭtamabila «Mazda 3», vykradzienaha Jaŭhienam Kulikom pry razbojnym napadzie i zabojstvie Taćciany Słonimskaj. Za abiacanaje hrašovaje ŭznaharodžańnie abvinavačvany pieradaŭ padroblenyja techničny pašpart i rehistracyjnyja znaki Kuliku, jaki paśla bieśpieraškodna pierahnaŭ aŭtamabil u Maskvu i pradaŭ.
U dačynieńni da abvinavačvanaha z sankcyi prakurora abrana miera strymańnia ŭ vyhladzie źniavoleńnia pad vartu.
Za padroblivańnie i zbyt padroblenych aficyjnych dakumientaŭ abvinavačvanamu pahražaje da 3 hadoŭ pazbaŭleńnia voli, a za padroblivańnie rehistracyjnych numaroŭ transpartnaha srodku — da 5 hadoŭ pazbaŭleńnia voli.
