Prakuratura Partyzanskaha rajona Minska sankcyjanavała źmiaščeńnie pad vartu 30-hadovaha dyrektara adnaho ź miascovych ŽESaŭ, pryznačanaha na hetu pasadu 1 vieraśnia.
Jak paviedamiŭ staršy pamočnik prakurora Minska Siarhiej Bałašaŭ, dyrektar ŽESa 16 vieraśnia, znachodziačysia ŭ słužbovym kabiniecie, atrymaŭ chabar u 5 miljonaŭ rubloŭ ad namieśnika načalnika filijała TAA za zaklučeńnie dahavora na techničnaje absłuhoŭvańnie arandavanaha pamiaškańnia.
Abvinavačańnie pradjaŭlena na padstavie č. 1 art. 430 KK (chabar).
Jak rastłumačyŭ pradstaŭnik prakuratury, firma arandavała pamiaškańnie ŭ žyłym domie i mieła svajo aciaplalnaje abstalavańnie. Na zaklučeńni dahavora pra jaho techničnaje absłuhoŭvańnie i nastojvaŭ dyrektar ŽESa. Jon prapanavaŭ skłaści fiktyŭny dahavor biez aficyjnaj apłaty.