Viadomy ŭkrainski viadučy Ŭładzimier Zialenski trapiŭ u kijeŭskuju lakarniu z šmatlikimi hiematomami, paviedamlaje «Presa Ŭkrainy».
U pryvatnuju kliniku «Barys» šoŭmena dastaviŭ žychar Kijeva, jaki pažadaŭ zastacca nieviadomym. Pa słovach mužčyny, jon jechaŭ na mašynie pa Dniaproŭskaj nabiarežnaj, jak raptam zaŭvažyŭ, što dvoje nieviadomych u maskach źbivajuć lažačaha mužčynu.
«Ja spyniŭsia i, vyjšaŭšy z mašyny, kryknuŭ im, što budu vyklikać narad milicyi, paśla čaho nieviadomyja ŭciakli. Ja padbieh da paciarpiełaha i advioŭ jaho da svajoj mašyny, paśla čaho dastaviŭ u bližejšuju balnicu», — raspavioŭ žychar Kijeva.
Jak miarkuje sam Zialenski, heta byli prarasiejski nastrojenyja złamyśniki, tamu jak padčas źbićcia jany paprakali jaho za aktyŭnuju padtrymku ŭkrainskaj armii.
«Pierš za ŭsio, ja vielmi ŭdziačny čałavieku, jaki mianie ŭratavaŭ, kali b nia jon, nia viedaju, čym by heta ŭsio skončyłasia», — dadaŭ šoŭmen.
Pa słovach hałoŭnaha lekara kliniki Volhi Pierelman, žyćciova važnyja orhany paciarpiełaha nie zakranutyja, stan zdavalniajučy i praz paru dzion Zialenski ŭžo zmoža adpravicca dadomu. U svaju čarhu, pravaachoŭniki raspačali kryminalnuju spravu i šukajuć vinavatych.
Viadomy šoŭmen, televiadučy i aktor Uładzimier Zialenski ŭžo nie raz apynaŭsia ŭ centry skandałaŭ u suviazi z padziejami va Ŭkrainie. Jon aktyŭna padtrymlivaŭ Majdan i spansavaŭ bataljon «Danbas».
