U pieršym secie pry liku 3:1 na svaju karyść V.Azaranka była vymušana źniacca sa spabornictvaŭ. U druhim raundzie(1/8 finału) V.Havarcova zhulaje z Edzinaj Hałovic z Rumynii.
U paniadziełak Žanočaja tenisnaja asacyjacyja raspaŭsiudziła čarhovyja rejtynhi hulcoŭ. V.Azaranka ŭźniałasia z 30‑ha na 26‑ie miesca, paŭtaryŭšy najvyšejšaje dasiahnieńnie ŭ svajoj karjery (5 listapada 2007 hoda). Na minułym tydni spartsmienka dajšła da finułu turniru ŭ aŭstralijskim Hołd‑Koście. U čempijonskaj honcy‑2008 V.Azaranka zajmaje treciaje miesca. V.Havarcova pieramiaściłasia ŭ ahulnym rejtynhu z 48‑j na rekordnuju dla siabie 47‑iu pazicyju, jaje rumynskaja sapiernica — z 85‑j na 84‑iu.
U rejtynhach Asacyjacyi tenisistaŭ‑prafiesijanałaŭ Maksim Mirny apuściŭsia sa 152‑ha na 191‑ie miesca (horšy pakazčyk paśla 26 krasavika 1999 hoda) u adzinočnym razradzie i zastaŭsia na 16‑j pazicyi ŭ parnym.
