fota z fejsbuka Rustema Adahamava
U aŭtorak, 27 studzienia, u Ńju-Jorku 31-hadovy pijanist Pavieł Hintaŭ — uradženiec Kijeva i vypusknik maskoŭskaj Kansiervatoryi, ustupiŭ u hutarku z muzykantami Maryinskaha arkiestra, što vychodzili paśla kancerta ŭ Karniehi-chole.
Pa śviedčańni Hintava, palemika datyčyłasia nie asablivaściej tvoraŭ Prakofjeva i Šastakoviča, jakija hučali ŭ toj viečar, i supravadžałasia nie zusim muzyčnaj terminałohijaj.
Hintaŭ, jaki ciapier skančaje daktaranturu ŭ Manchetanskaj škole muzyki, pryjšoŭ da Karniehi-choła, kab vykazać pratest suprać hastrolaŭ dyryžora arkiestra Valeryja Hierhijeva — adnaho z tych, chto ŭ minułym hodzie padpisaŭ list dziejačaŭ rasijskaj kultury ŭ padtrymku pazicyi Uładzimira Pucina ŭ dačynieńni da Ukrainy.
Z vusnaŭ rasijskich muzykaŭ u adkaz na jaho pasypalisia abrazy.
Sam pijanist apisaŭ toje, što adbyłosia tak: «Siońnia adbyłosia niešta vyklučna ahidnaje. A mienavita — daviałosia parazmaŭlać z muzykantami Maryinskaha arkiestra.
Adna miłavidnaja dziaŭčyna sa skrypkaj, prachodziačy mima mianie, pahladzieła mnie ŭ vočy, miła ŭśmichnułasia i skazała: «Kali vy ŭsie ŭžo zdochniecie, !»
Inšyja kazali dziažurnaje «Idzicie pracavać!», «Valicie ŭ chachlandyju!», a adzin kryknuŭ: «Chutka i Alaska budzie naša!»
Adzin arkiestrant vyrašyŭ spračacca, my skazali jamu, što pratestujem nie suprać arkiestra, a tolki suprać Hierhijeva, ale jaho tavaryš adciahnuŭ jaho sa słovami: «čaho ty ź imi razmaŭlaješ? Jany ž ».
Jašče adna hrupa muzykantaŭ ź instrumientami hučna nas abmiarkoŭvała i śmiajałasia.
Ja skazaŭ im: «Vy śmiajeciesia? A vy viedajecie, kolki ŭžo ludziej zahinuła?».
Adzin ź ich adkazaŭ sa śmiecham: «A ŭ Afrycy naohuł kožny dzień tysiačy ludziej pamirajuć, i čo?»
Heta muzykanty. Heta maładyja ludzi, jakija skončyli abo jašče vučacca kansiervatoryi. Heta tyja, chto siońnia ihraŭ na scenie Karnehi-choła. Heta zmrok, žach i varjactva».
