 |
Prezident Biełarusi Alaksandr Łukašenka padpisaŭ 28 studzienia ŭkaz numar 50 «Ab mierach pa ŭparadkavańniu dziejnaści sadoŭnickich tavarystvaŭ», paviedamili BIEŁTA u pres‑słužbie kiraŭnika dziaržavy.
Narmatyŭny akt vyznačaje pravavy status sadoŭnickich tavarystvaŭ, a taksama paradak ich stvareńnia, rearhanizacyi i likvidacyi. Dakumientam urehulavany pytańni dziejnaści takich jurydyčnych asob, zamacavany pravy i abaviazki členaŭ sadoŭnickich tavarystvaŭ, kampietencyja ich orhanaŭ kiravańnia i paradak pryniaćcia imi rašeńniaŭ.
Uličvajučy, što pradmietam dziejnaści takich tavarystvaŭ źjaŭlajecca kalektyŭnaje sadoŭnictva, nie źviazanaje z ažyćciaŭleńniem pradprymalnickaj dziejnaści, ukaz praduhledžvaje šerah dadatkovych mier. Siarod ich — vyzvaleńnie ad abkładańnia padatkam na nieruchomuju majomaść asnoŭnych srodkaŭ sadoŭnickich tavarystvaŭ, nabytych abo stvoranych za košt uznosaŭ ich členaŭ; ustanaŭleńnie płaty za adkryćcio i absłuhoŭvańnie bankami biahučych rachunkaŭ tavarystvaŭ u pamiery, praduhledžanym dla fizičnych asob; akazańnie tavarystvam pasłuh pa vodazabieśpiačeńniu pa taryfach, što rehulujucca abłvykankamami i Minskim harvykankamam. Akramia taho, sadoŭnickija tavarystvy vyzvalajucca ad abaviazkovaha pradastaŭleńnia dziaržaŭnaj statystyčnaj spravazdačnaści.
U svaju čarhu, na sadoŭnickija tavarystvy i ich členaŭ uskładajucca peŭnyja abaviazki pa zaćviardžeńniu schiem abychodžańnia z adchodami, što ŭtvarajucca, vykanańniu procipažarnych i sanitarnych norm, achovie raślin, utrymańniu sielskahaspadarčych žyvioł, raźmiaščeńniu zbudavańniaŭ, a taksama pa infarmavańniu miascovaha vykanaŭčaha kamiteta ab parušeńniach ziamielnaha zakanadaŭstva i najaŭnaści ŭ tavarystvie nievykarystoŭvajemych (svabodnych) ziamielnych učastkaŭ.
Raniej stvoranyja sadoŭnickija tavarystvy abaviazany pryvieści svaje ŭstanoŭčyja dakumienty ŭ adpaviednaść z patrabavańniami ŭkaza na praciahu hoda paśla ŭstupleńnia hetaha narmatyŭnaha akta ŭ siłu.
Fota photo.bymedia.net
