Čas vypraŭlać takuju sytuacyju. Dasyłajcie piać vieršaŭ na konkurs, pryśviečany 90‑j hadavinie BNR, «Zaklon na Volu» na [email protected] da 1 sakavika i atrymajcie pryz za 1, 2 ci 3 miesca!
Dasyłajcie vieršy na temu svabody i niezaležnaści (svaboda i jaje symbali, šlachi jaje zdabyćcia, niezaležnaść Biełarusi, baraćba za niezaležnaść u minułym stahodździ i ciapier, Biełaruskaja Narodnaja Respublika i jaje vybitnyja hramadzianie, idei BNR i h. d.).
Navat kali Vy nie atrymajecie pryzavoha miesca, Vašaja tvorčaść budzie šyroka prezentavacca praz medyi.
Bo Vašyja vieršy buduć vychoŭvać impet da Svabody praz čyńniki psychiki i padśviadomaści, ale nie kandovymi lozunhami dy naviaźlivymi maralite ci marnymi jenkami za «dolaj niaščasnaj» dy nieaktualnymi apisańniami «charastva rodnaje ziamielki».
Bo Vašyja vieršy, jak čaroŭnyja zaklinańni, vykličuć da žyćcia zdani minułaha i, daŭšy im mocy, čaradziejnymi słovami skirujuć ich da zmahańnia za Volu i Niezaležnaść ciapier.
Bo Vašaja tvorčaść daścipna pieraadoleje imperyjatvorčyja mity akupanckaj idealohii.
Bo ŭ Vašych tvorach Vy, spałučyŭšy navuku z mastactvam, pierakładziacie znojdzienyja navukaju nacyjatvorčyja pastulaty na movu emocyjaŭ i pačućciaŭ — zrazumiełuju paspalitamu ludu.
Bo daścio paspalitamu ludu mity i systemy maralnych kaštoŭnaściaŭ, jakija vychavajuć vieru ŭ Svabodu.
Pieramožcaŭ buduć vyznačać da 25 Sakavika Vołaty Adradžeńnia — filozaf Valancin Akudovič, piśmieńnik Uładzimier Arłoŭ, kulturolah Maksim Žbankoŭ, litaratar Andrej Chadanovič, paetka Džeci, paetka Vika Trenas, paetka Julija Šastak, litaratarka i psycholah Elza Vołat, piaśniar i ŭsiaho patrochu pan Skirhajła Palanecki‑Mackievič.
