U Rasii praciahvajecca antyŭkrainski šał. «Nie toje robiać, treba padzialić ŭkrainskuju impieryju», – napisaŭ u svaim akaŭncie ŭ sacyjalnaj sietcy Facebook viadomy rasijski piśmieńnik, a taksama lidar rasijskich nacyjanał-balšavikoŭ i partyi «Druhaja Rasija» Eduard Limonaŭ.
topdialog.ru
«Treba źviarnucca pierš za ŭsio da palakaŭ! A akramia hetaha da vienhraŭ, rumynaŭ i słavakaŭ. Łaŭroŭ tolki i pavinien kursiravać ad Varšavy ŭ Maskvu i Bucharest i Budapiešt, i jakaja tam stalica ŭ Słavakii?
Treba ŭhavaryć hetyja krainy padzialić ukrainskuju Impieryju, adabrać u jaje sumiesna toje, što jana kradkom upierła z Savieckaha Sajuza, to bok polskija ziemli, vienhierskija, rumynskija i słavackija. Nu i ruskija.
Nu viadoma, budzie nialohka arhanizavać taki sajuz niezadavolenych, nu viadoma, nialohka budzie złamać jeŭra-aryjentacyju hetych krain, ale mahčyma złamać!» – zajaviŭ Limonaŭ.
«Užo vielmi toŭstyja kavałki razam z nasielnictvam ciapier znachodziacca ŭ rukach kijeŭskich uzurpataraŭ. Polskija ziemli sa Lvovam, vienhierskija — Užharad… «ukrainskija» vienhry tak chočuć viarnucca da Radzimy, a ŭ rumynaŭ naohuł ledź nie treciuju častku ziamiel adrezali ŭ svoj čas.
Nie kažučy ŭžo pra toje, što ruskich ziamiel Ukraina prysvoiła sabie terytoryju pačvarna vielizarnuju», – praciahvaje svaje fantastyčnyja apisańni rasijski piśmieńnik.
Varta zaŭvažyć, što da druhoha Majdana va Ukrainie Eduard Limonaŭ byŭ aktyŭnym udzielnikam antyŭradavych akcyj u Rasii, chacieŭ bałatavacca ŭ prezidenty jak adziny kandydat ad rasijskaj apazicyi i ŭvohule ličyŭsia adnym z samych zaciatych praciŭnikaŭ ciapierašniaj rasijskaj ułady. Što cikava, u 2006 hodzie vyjšła kniha Limonava pad nazvaj «Limonaŭ suprać Pucina», a sioleta śviet pabačyŭ jahony tvor, jaki nosić nazvu «Kijeŭ Kaput».
