Sistemie vykanańnia pakarańniaŭ patrebna surjoznaja karekciroŭka. Takoje mierkavańnie vykazaŭ siońnia ŭ Hrodnie hienieralny prakuror Biełarusi Alaksandr Kaniuk, jaki pravioŭ u AAT «Hrodzienski škłozavod» asabisty pryjom hramadzian.
Temu efiektyŭnaści sistemy prymusovaha vykanańnia pakarańniaŭ hienprakuror padniaŭ paśla taho, jak da jaho padčas asabistaha pryjomu hramadzian źviarnułasia žančyna, jakaja na praciahu siami hadoŭ paśla rašeńnia suda nie moža spahnać alimienty z byłoha muža.
«Dadzienaja situacyja tolki sihnalizuje ab nieabchodnaści pierahladu isnujučaj sistemy vykanańnia pakarańniaŭ. Jana pracuje čaściakom nieefiektyŭna», — skazaŭ hienprakuror.
Alaksandr Kaniuk adznačyŭ, što ŭźnikaje šmat pytańniaŭ da kadravaha sastavu orhanaŭ prymusovaha vykanańnia, jakaści pracy, pravavoj kampietentnaści.
Jość prablemnyja miescy ŭ častcy paŭnamoctvaŭ pradstaŭnikoŭ sistemy, dziejnaści jaje supracoŭnikaŭ u adpaviednaści z zakanadaŭstvam.
