Fiederacyja chakieja Rasii aštrafavanaja na 80 tysiač šviejcarskich frankaŭ (83,5 tys. dalaraŭ) za sychod nacyjanalnaj kamandy ź lodu padčas cyrymonii ŭznaharodžańnia załatymi miedalami kamandy Kanady paśla finalnaha matču čempijanatu śvietu 2015 u Prazie.
17 maja paśla matču, jaki skončyŭsia parazaj rasijan ź likam 1:6, bolšaja častka rasijskaj kamandy nakiravałasia ŭ raspranalniu, nie čakajučy cyrymonii ŭznaharodžańnia pieramožcaŭ čempijanatu.
Na lodzie ŭ momant vykanańnia himna Kanady zastalisia tolki niekalki rasijskich chakieistaŭ, u tym liku Alaksandr Aviečkin, Jaŭhien Małkin, Viktar Cichanaŭ i Dźmitryj Kulikoŭ.
Fiederacyja chakieja Rasii ŭskłała adkaznaść za incydent na hałoŭnaha treniera nacyjanalnaj kamandy Aleha Znarka i byłoha hienieralnaha mieniedžara zbornaj Rasii Andreja Safronava.
Prezident Fiederacyi chakieja Rasii Uładzisłaŭ Traćciak tady padkreślivaŭ, što chakieisty nie sprabavali vykazać niepavahu da kanadskaha himna i adrazu paśla matču pacisnuli supiernikam ruki, pavinšavaŭšy ich ź pieramohaj.
