 |
Jak havorycca ŭ pres‑relizie, spartyŭny telekanał «Jeŭrasport 2» prykmietna adroźnivajecca ad asnoŭnaha kanała «Jeŭrasport».
Bolšaść prahram «Jeŭrasport 2» iduć u pramoj tranślacyi.
Asablivaja ŭvaha nadajecca papularyzacyi takich aryhinalnych hulniovych vidaŭ sportu, jak skvoš, rehbi‑7, badminton, nastolny tenis, fłarboł, handboł, bai biez praviłaŭ, bendzi, biejsboł. Taksama buduć tranślavacca pieradačy, pryśviečanyja spartyŭnamu ekstrymu.
U prahramie novaha dnia abanientaŭ kabielnych sietak telekanała — tranślacyi spartyŭnych spabornictvaŭ, karotkija infarmacyjnyja pieradačy, błoki navin i šmat inšaha.
Telekanał «Jeŭrasport 2» šyroka aśviatlaje i takija tradycyjna papularnyja hulniovyja vidy sportu, jak futboł, valejboł, tenis, baskietboł, šmatlikija zimovyja vidy.
Tak, viaducca tranślacyi futbolnych matčaŭ italjanskaha čempijanatu seryi B [dzie hulaje forvard nacyjanalnaj zbornaj Vital Kutuzaŭ -- NN], Kubka UEFA, adboračnych hulniaŭ čempijanatu Jeŭropy‑2008, junijorskich turniraŭ dla hulcoŭ maładziej za 19 i 17 hadoŭ, baskietbolnych pajadynkaŭ Kubka ULEB i inš.
Amatary valejboła zmohuć nazirać za matčami Mižnarodnaha Hran‑pry, Mižnarodnaj lihi, Mižnarodnaha turniru pa plažnym valejbole. Kanałam nabyty pravy na tranślacyju kubkaŭ i čempijanataŭ śvietu pa najvažniejšych zimovych dyscyplinach (hornyja łyžy i łyžnaje dvajaborje, skački z tramplina, sanny sport, babślej, skieleton), Mižnarodnaha turniru pa chakiei z šajbaj (Kubak łato), Kubkaŭ śvietu pa frystajle i snoŭbordzie.
U sietcy MTIS «Jeŭrasport 2» z 5 sakavika tranślujecca na častacie 41‑ha kanała (631,25 MHc).
Maryna Nosava, BiełaPAN
