Papa Francišak upieršyniu prybyŭ ź vizitam na Kubu, dzie praviadzie čatyry dni, a zatym adpravicca ŭ ZŠA. Vystupajučy ŭ Havanie, jon zaklikaŭ prezidenta ZŠA Baraka Abamu i kubinskaha lidara Raula Kastra praciahnuć narmalizacyju adnosin pamiž krainami.
Papa Francišak i Raul Kastra, fota AFP
Francišku, pieršamu pantyfiku z Łacinskaj Amieryki, prypisvajuć aktyŭny ŭdzieł u adnaŭleńni dyjałohu pamiž Vašynhtonam i Havanaj.
«Voś užo niekalki miesiacaŭ my nazirajem padzieju, jakaja napaŭniaje nas nadziejaj: praces narmalizacyi adnosin pamiž dvuma narodami paśla stolkich hadoŭ adčužeńnia», — skazaŭ Francišak.
«Ja zaklikaju palityčnych lidaraŭ nastojliva iści pa hetym šlachu i raskryvać uvieś svoj patencyjał… u jakaści prykładu prymireńnia dla ŭsiaho śvietu», — dadaŭ pantyfik.
U pryvitalnaj pramovie Raul Kastra padziakavaŭ kiraŭniku katalikoŭ za jaho ŭkład u adnaŭleńnie adnosin Kuby z ZŠA i asudziŭ dziejučaje 53 hady handlovaje embarha Vašynhtona ŭ dačynieńni da Kuby.
U čaćvier Vatykan vykazaŭ nadzieju na toje, što vizit papy dapamoža pakłaści kaniec 53-hadovamu amierykanskamu embarha i pryviadzie da pašyreńnia pravoŭ i svabod na vostravie.
U piatnicu ZŠA abviaścili ab źmiakčeńni abmiežavańniaŭ, što tyčylisia pajezdak na Kubu i supracoŭnictva z kubinskimi pradprymalnikami.
