Učora na pres-kanfierencyi kiraŭniki partyi «Prava i spraviadlivaść» Beata Šydła i Jarasłaŭ Kačynski pradstavili skład budučaha ŭrada Polščy.
Ahułam nazvanyja proźviščy 23 ministraŭ. Vidać, praź niejki čas budzie taksama nazvanaje imia ministra ekanomiki. Źviartaje ŭvahu, što ŭ Polščy, naprykład, jość Ministerstva ličbavych technałohij, jakoha niama ŭ Biełarusi.
Novym ministram achovy zdaroŭja stanie 57-hadovy Kanstancin Radzivił. Jon pradstaŭnik staražytnaha kniaskaha rodu Radziviłaŭ, ale taho adhalinavańnia, što žyli na terytoryi Polščy, a nie Biełarusi.
Kanstancin Radzivił pa śpiecyjalizacyi siamiejny lekar, vučyŭsia ŭ Varšavie. U časy Salidarnaści byŭ siabram Niezaležnaha sajuza studentaŭ. Ad 1997 źjaŭlajecca ŭładalnikam špitala siamiejnaj miedycyny. Kavaler Ordena Adradžeńnia Polščy.
