Padachodny padatak z pracentaŭ pa niekatorych vidach bankaŭskich układaŭ, jaki budzie spahaniacca z 1 krasavika 2016 hoda, budzie ŭličvacca pry vypłacie zboru na finansavańnie dziaržraschodaŭ, praduhledžanaha dekretam «Ab papiaredžańni sacyjalnaha ŭtrymanstva».
Pra heta paviedamili ŭ pres-słužbie Ministerstva pa padatkach i zborach Biełarusi.
«U piatym punkcie dekreta («Ab papiaredžańni sacyjalnaha ŭtrymanstva») praduhledžany tyja vidy dziejnaści, pry jakich ličycca, što hramadzianin udzielničaje ŭ finansavańni dziaržaŭnych raschodaŭ. Heta značyć, raźmiaščeńnie ŭkładaŭ u banku nie adnosicca da takich vidaŭ dziejnaści. Tamu hramadzianin, jaki nie pracuje, ale pry hetym raźmiaščaje hrošy na ŭkłady, usio roŭna pryznajecca płacielščykam zboru na finansavańnie dziaržaŭnych raschodaŭ», — rastłumačyli ŭ pres-słužbie.
Razam z tym dekret vyzvalaje hramadzian ad vypłaty zboru, kali jany mieli dachody i zapłacili padatki, naprykład, padachodny padatak ź fizičnych asob, u pamiery 20 BV i bolš (adziny padatak ź indyvidualnych pradprymalnikaŭ i inšych fizičnych asob, padatak pry sproščanaj sistemie padatkaabkładańnia). Pry vypłacie padatkaŭ u pamiery mienš jak 20 BV suma zboru źmianšajecca na sumy vypłačanych padatkaŭ.
«Tamu padatak, jaki ŭ nastupnym hodzie buduć płacić našy hramadzianie z dachodaŭ u vyhladzie pracentaŭ pa depazitach, budzie ŭličvacca pry raźliku sumy zboru», — skazali ŭ MPZ.
