Pra heta sa spasyłkaj na «infarmavanyja krynicy» paviedamlaje tut.by. Pry hetym, «havorka idzie nie tolki pra ahulnadastupny pakiet, ale pra ŭsie kanały ŭ cełym, što budzie aznačać manapalizacyju rynku jašče i ŭ hetaj halinie, dadatkovuju kropku kantrolu TB-rekłamy».
Padrychtoŭka ŭkaza pa stvareńni adzinaha dziaržaŭnaha raspaŭsiudnika zamiežnych ŚMI na terytoryi Biełarusi ŭžo vyjšła na finišnuju pramuju. Ministerstva infarmacyi, jakoje zajmajecca, raspracoŭkaj, tłumačyć nieabchodnaść stvareńnia adzinaha apieratara palapšeńniem kantrolu rynku, prasoŭvańniem dasiahnieńniaŭ Respubliki Biełaruś na mižnarodnaj arenie i abiacańniem dadatkovych adličeńniaŭ u biudžet. Atrymać kamientar u Mininfarmie nie ŭdałosia.
Ustupleńnie ŭ siłu hetaha dakumienta pryviadzie da istotnych parušeńniaŭ dziejučaha nacyjanalnaha i mižnarodnaha zakanadaŭstva, dezarhanizacyi pracy haliny suviazi, straty kantrolu nad značnym siehmentam infarmacyjnaj prastory i naniasieńni škody biudžetu krainy, havorycca ŭ liście Telekamunikacyjnaha halinovaha sajuza (THS) Biełarusi kiraŭniku Administracyi prezidenta, premjer-ministru i ministru zamiežnych spraŭ.
