U kamientary «Našaj Nivie» chłopcy adznačyli, što prysud dla ich niečakany. Pavodle ich mierkavańnia, heta pieramoha, jakoj udałosia damahčysia dziakujučy salidarnaści hramadstva, uvazie ŚMI i pracy pravaabaroncaŭ. Svaju dziejnaść chłopcy spyniać nie źbirajucca.
21:00
Žaromski i Piakarski pryznanyja vinavatymi ŭ paškodžańni majomaści. Złosnaha chulihanstva ŭ dziejańniach Piakarskaha i Kasinierava nie vyjaŭlena. Usim pryznačanyja štrafy:
Žaromskamu — 50 bazavych vieličyń (10 500 000 rubloŭ),
Piakarskamu — 40 (8 400 000 rubloŭ),
Kasinieravu — 30 (6 300 000 rubloŭ),
Viadzie pasiadžeńnie sudździa Skuratovič
19:30
Dali słova abvinavačanym.
Žaromski: «Sastarełyja trymalniki ŭłady pabajalisia našaj maładości». Kasinieraŭ: «My nie chulihany, my bolš adukavanyja, čym tyja, chto nas zatrymlivaŭ. Nas sudziać za pohlady, za toje, što my suprać aŭtarytaryzmu». Piakarski nazvaŭ sud ciemrašalstvam i pačaŭ abaraniać biełaruščynu, zaklikaŭ maładych ludziej abjadnoŭvacca.
U zale prahučali apładysmienty.
18:45
Advakat Žaromskaha prosić jaho apraŭdać, bo niama składu złačynstva, jakoje jamu inkryminujecca. Škoda majomaści nie dakazanaja, ličyć advakat Piakarskaha, i taksama prosić jaho apraŭdać. Miarkuje, što Piakarskaha pieraśledujuć za vyjaŭleńnie jaho pohladaŭ.
18:30
Prakuror zaprasiŭ dla Žaromskaha 2 hady chimii biez nakiravańnia, Piakarskamu štraf u 300 bazavych vieličyń, Kasinieravu 1,5 hoda chimii biez nakiravańnia i štraf.
Pavodle prakurora, hraficisty nanieśli škodu budynkam na 200 tysiač rubloŭ.
Na sud pryjšoŭ Mikoła Statkievič
18:03
Sudovaje śledstva skončyłasia, pačalisia sprečki bakoŭ.
17:50
Advakaty prosiać vyklikać supracoŭnikaŭ ŽESa, kab tyja raspaviali pra stan razmalavanych budynkaŭ da i paśla naniasieńnia malunkaŭ. Sudździa admoviła.
17.30
Pačali začytyvać apošni tom, u jakim źmieščanyja pratakoły dopytaŭ Piakarskaha. Z pratakołaŭ dopytaŭ vynikaje, što Piakarski braŭ usiu vinu na siabie za malavańnie dvuch hrafici.
U zale suda Maksim Piakarski zajaviŭ što malavaŭ svaje hrafici, bo ŭ našaj krainie pryhniatajecca biełaruskaja mova, źniščajucca nacyjanalnyja tradycyi.
Usie charaktarystyki, jakija začytaŭ prakuror na chłopcaŭ, dobryja.
17:25
Advakatka Žaromskaha paprasiła začytać pastanovu ab raspačaćci kryminalnaj spravy ad 2007 hoda. Zajaŭleńnie padavała maci tady niepaŭnahadovaha Žaromskaha na patrul PPS, jaki źbiŭ jaje syna za rasklejku nalepak. Sprava tady nie była raspačataja.
17:00
Supracoŭniki AMAPa sieńnia trapilisia vielmi ścipłyja, staranna chavajuć svaje tvary ad kamier žurnalistaŭ.
16:08
Prakuror pačaŭ začytvać vośmy tom hałoŭnaj spravy. Tut apisanyja pratakoły dopytaŭ Žaromskaha. U pieršyja dni paśla zatrymańnia Vadzim Žaromski admaŭlaŭsia davać pakazańni.
Žaromski zajaviŭ, što pačaŭ razmaŭlać dla pratakoła, bo ŭvieś čas, pakul jen byŭ u SIZA, na jaho cisnuli i pahražali supracoŭniki HUBAZa.
15:55
Prakuror začytaŭ pakazańni Kasinierava pra toje, što ŭ jaho paŭstała niepryjaznaść da milicyjantaŭ praz toje, što jaho baćka, kali byŭ milicyjantam, zavioŭ raman na baku ŭ toj momant, kali maci Kasinierava była ciažarnaja jaho małodšym bratam. Kali prakuror spytaŭ jaho ab praŭdzivaści tych pakazańniaŭ, Kasinieraŭ padziakavaŭ prakuroru za toje, što toj «pačaŭ varušyć brudnuju bializnu ich siamji».
15:45
Pratakoł dopytu ad 13 žniŭnia. Kasinieraŭ zajaviŭ, što da dopytu try dni byŭ prykavany kajdankami, sa złamanaj skivicaj (skivicu jamu, pa jaho słovach, złamaŭ supracoŭnik SABR padčas zatrymańnia) i ź ciažkaściu moh razmaŭlać, śledčy na jaho cisnuŭ dy pahražaŭ.
15:33
Prakuror začytaŭ pratakoł dopytu Kasinierava ad 11 žniŭnia 2015 hoda, ale toj zajaviŭ, što takoha dopytu nie było, bo ŭpieršyniu jaho dapytali 13 žniŭnia.
15.20
Pačali začytvać siomy tom. Tam źmiaščajucca pratakoły dopytaŭ adrazu paśla zatrymańnia.
15:15
Prakuror Ściapurka pačaŭ čytać šosty tom kryminalnaj spravy (usiaho ich dzieviać). Tut źmiaščajucca pratakoły vobšukaŭ, praviedzienych u kvaterach, dzie žyli chłopcy i ich baćki. Śledčych cikavili kampjutary, vizitnicy, brašury, knihi, majki, źmiest mabilnych telefonaŭ. Bolšaść vyniatych rečaŭ paźniej byli vyklučanyja sa spravy.
14:32
Zała suda poŭnaja, šmat narodu pryjšło padtrymać hraficistaŭ. U zale siadziać palityki Mikoła Statkievič, Anatol Labiedźka, pravaabaronca Valancin Stefanovič.
14:30
Na minułym słuchańni prakuror začytaŭ rasšyfroŭki prasłuchoŭki mabilnych razmovaŭ padsudnych. Zapis vieŭsia jašče da taho, jak chłopcy namalavali hrafici dy zakidali biłbord z vyjavaj milicyjanta farbaj.
Maksim Šycik i Pavał Siarhiej. Chłopcy, jakich źbili razam z žurnalistam tut.by pryjšli padtrymać siabroŭ.
Maksim Šycik
***
U Frunzienskim rajonnym sudzie Minska idzie razhlad hetak zvanaj «spravy hraficistaŭ», pa jakoj prachodziać Maksim Piakarski, Vadzim Žaromski i Viačasłaŭ Kasinieraŭ.
«Sprava hraficistaŭ» uźnikła niezadoŭha da prezidenckich vybaraŭ 2015 hoda. 11 žniŭnia śpiecnaz žorstka zatrymaŭ piać chłopcaŭ: troch ź ich aryštavali, dvuch adpuścili. Ich padazravali ŭ naniasieńni biełaruskamoŭnych hrafici «Biełaruś maje być biełaruskaj» i «Revalucyja śviadomaści, jana ŭžo idzie…»
Akramia taho, maładych ludziej padazravali u psavańni farbaj sacyjalnaha bihborda z vyjavaj supracoŭnikaŭ milicyi. Hraficistaŭ abvinavacili ŭ chulihanstvie, učynienym hrupaj asobaŭ. A nieŭzabavie ŭtrymańnie pad vartaj im zamianili padpiskaj ab niavyjeździe. Ekśpiertyza nadpisaŭ, jak raspaviali žurnalistam sami abvinavačanyja, nie vyjaviła ŭ ich prykmietaŭ ekstremizmu.
Na raniejšych sudovych pasiadžeńniach byli dapytanyja fihuranty spravy, jakija nie pryznali svajoj viny.
***
Sud nad hraficistami. Dzień druhi
«Adzin z pravaachoŭnikaŭ pastaviŭ svaju nahu mnie na tvar»: za što žurnalista TUT.BY źbili ŭ budynku suda
