Na vulicy Čyhunačnaja, 33 adkryŭsia pieršy vizavy centr Polščy. Ustanova raźmiaściłasia ŭ budynku biznes-centra SP Plaza u adnym pakoi ź litoŭskim vizavym centram.
Siońnia, akramia polskaha vizavaha centru ŭ Minsku, anałahičnyja adkrylisia ŭ Breście (vuł.Maskoŭskaja, 208a-1), Hrodnie (vuł.Horkaha, 89), Homieli (vuł.Puškina,2).
Usia vizualnaja infarmacyja ŭ vizavym centry aformlenaja pa-rasiejsku.
U hetym budynku vizavy centr prabudzie niekalki tydniaŭ, a paśla pierajedzie ŭ HC «Halilea», što kala čyhunačnaha vakzała.
Michał Chabras, časovy pavierany ŭ spravach Polščy ŭ Biełarusi, zajaviŭ, što heta pryjemny krok u raźvićci adnosin pamiž Biełaruśsiu i Polščaj.
Michał Chabras, časovy pavierany ŭ spravach Polščy ŭ Biełarusi.
U svaju čarhu Prabuda Sen, rehijanalny kiraŭnik VFS Global u Rasii i krainach SND, adznačyŭ, što sa svajho boku jany buduć pašyrać kolkaść vizavych centraŭ dla palapšeńnia i spraščeńnia padačy dakumientaŭ na vizy. Vizavyja centry Polščy płanujecca adkryć jašče ŭ Mahilovie, Pinsku, Baranavičach i Lidzie.
Prabuda Sen.
Padahulniŭ usich Marek Pendzich, kiraŭnik konsulskaha adździeła pasolstva Polščy ŭ Biełarusi. «Za minuły hod na polskuju vizu padała kala 400 000 biełarusaŭ. U nas byŭ stanoŭčy vopyt adkryćcia vizavych centraŭ va Ukrainie i Rasii. My spadziajomsia, što adkryćcio vizavych centraŭ pavialičyć kolkaść biełarusaŭ, jakija buduć naviedvać Polšču».
Marek Pendzich.
Nahadajem, što vizavyja centry dapamahajuć aformić roznyja vidy viz u zamiežnyja krainy. Košt pasłuh Polskaha vizavaha centra składzie 15 jeŭra ŭ biełaruskim ekvivalencie, biez uliku koštu vizy.
