Maskoŭski praśpiekt u Kijevie pierajmienavali ŭ praśpiekt Ściapana Bandery. Jak pieradaje karespandent UNIAN, adpaviednaje rašeńnie było pryniata siońnia na pasiadžeńni Kijeŭrady. «Za» prahałasavali 87 z 97 zarehistravanych deputataŭ. Prajekt rašeńnia byŭ pradstaŭleny na razhlad jak nieadkładny i ŭniesieny ŭ paradak dnia pa inicyjatyvie Kijeŭrady.
Pa słovach namieśnika haradskoha hałavy, sakratara Kijeŭrady Uładzimira Prakopava, dakumient uklučaje pierajmienavańnie ŭsiaho dvuch praśpiektaŭ i piaci vulic. U toj ža čas pry ŭzhadnieńni dakumienta padčas pracedury jaho padrychtoŭki da razhladu na pasiadžeńni prajekt atrymaŭ zaŭvahi, jakija tyčacca dvuch ź siami punktaŭ pieranazvańniaŭ. Niahledziačy na heta, Prakopaŭ prapanavaŭ hałasavać za prajekt biez dvuch adpaviednych punktaŭ.
Zhodna z pryniatym siońnia rašeńniem, novyja nazvy atrymali: vulica Kutuzava — zaraz heta vulica Hienierała Ałmazava, zavułak Kutuzava — zavułak Jaŭhiena Hucała, vulica Baŭmana — vulica Januša Korčaka, vulica Suvorava — zaraz vulica Michaiła Amieljanoviča-Paŭlenki.
