Pra heta paviedamiła aficyjny pradstaŭnik Śledčaha kamiteta Julija Hančarova na svajoj staroncy ŭ Facebook.
U subotu, 9 lipienia, śledstva chadajničała pierad prakuroram ab prymianieńni da zatrymanaj hramadzianki Rasii miery strymańnia ŭ vyhladzie zaklučeńnia pad vartu.
«Miera strymańnia prymienienaja — zaklučeńnie pad vartu. Pradjaŭleńnie abvinavačvańnia zapłanavana na pačatak budučaha tydnia. Śledstva nie vyklučaje mahčymaści prymianieńnia paśla pradjaŭleńnia abvinavačvańnia alternatyŭnych mier strymańnia, nie źviazanych z pazbaŭleńniem voli, z ulikam asoby žančyny i abstavinaŭ kryminalnaj spravy», — paviedamiła Julija Hančarova.
Maryja Rymar.
Nahadajem, Maryja Rymar była zatrymanaja pry rehistracyi na rejs Minsk—Maskva ŭ Nacyjanalnym aeraporcie Minsk u čaćvier, 7 lipienia. Pa słovach jaje advakata, Maryi nie spadabaŭsia asabisty dahlad, jaki pravodziŭsia ŭ suviazi z uzmocnienym kantrolem. «Uźnik kanflikt na hetaj hlebie, i jana žartam skazała: kali vy niešta šukajecie, dyk tracił u mianie ŭ torbie. Hetaha było dastatkova, kab źniać jaje z rejsa, zatrymać i raspačać spravu».
Pa dadzienym fakcie raspačata kryminalnaja sprava pa č.1 art. 340 KK Biełarusi (zaviedama iłžyvaje paviedamleńnie ab niebiaśpiecy).
