Pamior były vice-premjer urada Biełarusi Michaił Dziamčuk. Jon pražyŭ 70 hadoŭ.
Dziamčuk naradziŭsia ŭ 1946 u vioscy Dziaviatki Kobrynskaha rajona.
Jon byŭ doktaram fizika-matematyčnych navuk, prafiesaram i členam-karespandentam Akademii navuk Biełarusi.
Jon skončyŭ Biełdziaržuniviersitet u 1968. Pracavaŭ tamsama ŭ łabaratoryi NDI prykładnych fizičnych prablem. U 1988 staŭ ministram narodnaj adukacyi BSSR.
U 1989 jak deputat pryznačanaha savietami Viarchoŭnaha Savieta BSSR svaim vystupam padtrymaŭ Zakon ab movach, jaki zamacoŭvaŭ dziaržaŭnaść biełaruskaj movy.
Z 1991 — vice-premjeram va ŭradzie Kiebiča. Ad 1994 da 2000 pracavaŭ rektaram Biełaruskaha nacyjanalnaha techničnaha ŭniviersiteta. A na 2000—2001 viarnuŭsia va ŭrad, užo Jarmošyna, vice-premjeram.
Z 2002 byŭ rektaram Respublikanskaha instytuta vyšejšaj škoły BDU.
***
Raźvitańnie projdzie z 11:00 da 12:00 u KZ «Minsk» (vuł. Kastryčnickaja, 5). Pachavańnie adbudziecca na Uschodnich mohiłkach z 13:20 da 14:00.
