fota Siarhieja Hudzilina.
Andruś Horvat paviedamiŭ u svaim fejsbuku, što atrymaŭ paviedamleńnie z patrabavańniem spłacić «zbor na finansavańnie dziaržvydatkaŭ» — tak zvany padatak na darmajedaŭ.
Na hety momant padatkaviki nakiravali ŭžo bolš za 70 tysiač takich paviedamleńniaŭ. Pryčym 15 tysiač adrasataŭ zmahli dakazać svajo prava nie płacić zbor.
* * *
Intelihient Andruś Horvat u 2015 hodzie pierajechaŭ ź Minska ŭ rodnuju viosku ŭ Kalinkavickim rajonie. Jon pačaŭ pisać zachaplalny dziońnik pra svajo žyćcio ŭ vioscy, jak jon abžyvaŭ chałodnuju chatu, kałoŭ drovy i sadžaŭ harod. Zajzdrośniki śmiajalisia: chutka zdasca pacan, vierniecca nazad u stalicu. Nie, Horvat pa-raniejšamu ŭ Prudku, zavioŭ kazu i raduje historyjami pra svaju hadavanku. A jašče Andruś vielmi chutka naźbiraŭ hrošaj na svaju debiutnuju knihu «Radyjo Prudok».