U hetym ža dakumiencie prapisali i inšy abaviazak dla minčan — prybirać terytoryju vakoł svajho pryvatnaha doma da siaredziny prajeznaj častki. TUT.BY piša, jak traktavać hetuju normu.
Minułyja Praviły dobraŭparadkavańnia i ŭtrymańnia horada Minska dziejničali ad 2013 hoda. Novyja ž pryniali ŭ listapadzie 2016-ha i šmat u čym jany dublujuć papiarednija. Adnak jość i adroźnieńni.
Ciapier u Praviłach prapisali abaviazak ułaśnikaŭ pryvatnych damoŭ ci kvater u błakiravanych damach prybirać nie tolki terytoryju svajho ziamielnaha ŭčastka, ale i prylehłuju da jaho prajeznuju častku darohi.
Hetaja norma nie novaja. Prosta raniej abaviazak prybirać prylehłuju terytoryju zamacoŭvali za kiraŭnikami administracyi rajonaŭ na padstavie zakona «Ab miascovym kiravańni i samakiravańni». Ale voś ŭborka darohi da siaredziny prajeznaj častki moža vyklikać niamała pytańniaŭ. Jak patłumačyli ŭ administracyi Savieckaha rajona, hetuju normu nie varta traktavać litaralna.
U administracyi kažuć, što pakolki «Harramaŭtadar» prybiraje vulicy ŭ Minsku narmalna, to patreby rabić heta hramadzianam niama. Ale haspadar chaty pavinien čyścić, naprykład, śniežny borcik na krai prajeznaj častki paśla taho, jak pa vulicy prajšła technika.
Kantralujuć ža ŭborku prylehłych da damoŭ terytoryj miascovyja administracyi. Naprykład, u Savieckim rajonie rabočyja hrupy abjazdžajuć pryvatny siektar pa dva razy na tydzień. Za nienaležny stan terytoryi praduhledžana administracyjnaja adkaznaść u vyhladzie štrafu.
