Rašeńnie kampanii Apple dać svaim telefonam sensarny ekran było davoli sprečnym i ryzykoŭnym u svoj čas.
Tahačasnyja papularnyja telefony byli z knopkami, i pazbaŭleńnie ad ich zdavałasia čymści niejmaviernym. Historyja pakazała, što Apple u svoj čas pryniała pravilnaje rašeńnie, ale pieršyja ajfony mahli vyhladać zusim inakš. Usurjoz razhladaŭsia varyjant dyzajnu iPhone z kołam prahortki zamiest sensarnaha ekrana.
Na videa možna pabačyć 2 telefony, jakija byli pratatypami dla pieršaha ajfona. Pieršy pratatyp byŭ stvorany adnym z raspracoŭščykaŭ iPod Toni Fadełam (Tony Fadell). Na hetaj madeli navihacyja adbyvajecca pry dapamozie koła prahortki (takoha ž, jak na iPod).
Druhi pratatyp, raspracavany Skotam Forstałam (Scott Forstall), kudy bolš padobny da taho iPhone, jaki my siońnia viedajem, — jon pracuje z całkam sensarnym ekranam.
Praz 10 hadoŭ paśla źjaŭleńnia pieršaha iPhone heta videa pakazvaje, ź jakoj dylemaj sutyknulisia raspracoŭščyki kultavaha telefona. Vierahodna, što asnoŭnaj pryčynaj admovy ad koła prahortki na iPhone stała ciažkaść naboru tekstu padobnym čynam.
