Pra heta raskazała karespandentu BiełTA namieśnik načalnika słužby mietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłana Rybakova.
Fota Siarhieja Hudzilina
U piatnicu, 20 studzienia, umovy nadvorja na terytoryi Biełarusi buduć vyznačać atmaśfiernyja franty i ciopłaja vilhotnaja pavietranaja masa. Čakajecca pieravaha vobłačnaha nadvorja. Projduć nievialikija apadki ŭ vyhladzie mokraha śniehu, udzień — mokraha śniehu z daždžom. U asobnych rajonach krainy čakajecca tuman, hałalod, na darohach hałalodzica. Tempieratura pavietra ŭnačy składzie ad nula pa paŭnočnym zachadzie da minus 7 hradusaŭ pa paŭdniovym uschodzie krainy. Tempieratura ŭdzień budzie znachodzicca ŭ miežach ad minus 2 da plus 3 hradusaŭ.
U subotu, 21 studzienia, nadvorje ŭ krainie budzie vyznačać čarhovaja frantalnaja sistema, jakaja pieramiaščajecca z akvatoryi Bałtyjskaha mora. Zachavajecca niaŭstojlivaje nadvorje z adlihaj. Na bolšaj častcy terytoryi krainy projduć karotkačasovyja apadki (mokry śnieh, doždž). U asobnych rajonach čakajecca tuman, hałalod, na darohach hałalodzica. Tempieratura pavietra na praciahu sutak składzie ad minus 3 da plus 2 hradusaŭ.
U niadzielu, 22 studzienia, z rostam atmaśfiernaha cisku nadvorje palepšycca i krychu padmarozić. Budzie pieravažna biez apadkaŭ, tolki ŭnačy ŭ paŭdniova-zachodnich rajonach, a ŭdzień miescami pa poŭnačy Biełarusi mahčymy nievialiki śnieh. Na asobnych učastkach daroh čakajecca hałalodzica. Tempieratura pavietra ŭnačy panizicca da 2-9 hradusaŭ marozu, pa paŭnočnym uschodzie pavietra pachaładnieje da minus 10-12 hradusaŭ. Udzień tempieratura składzie ad nula da minus 5 hradusaŭ, pa zachadzie — da plus 2.
«U paniadziełak nadvorje ŭ krainie ŭnačy budzie vyznačać u asnoŭnym vobłaść pavyšanaha cisku, a ŭdzień — atmaśfierny front, što pieramiaščajecca sa Skandynaŭskaha paŭvostrava», — adznačyła Śviatłana Rybakova. Unačy ŭ asobnych rajonach, udzień pieravažna pa paŭnočnaj častcy krainy projduć karotkačasovyja apadki (mokry śnieh, doždž). U asobnych rajonach mahčymy tuman, słaby hałalod, na darohach hałalodzica. Tempieratura pavietra ŭnačy panizicca da 1-8 hradusaŭ marozu, udzień składzie ad minus 4 da plus 2 hradusaŭ.
U aŭtorak, 24 studzienia, zachavajecca ŭpłyŭ atmaśfiernych frantoŭ i pavietranych mas, što pieramiaščajucca sa Skandynaŭskaha paŭvostrava.Na bolšaj častcy terytoryi Biełarusi čakajecca karotkačasovy mokry śnieh. Na asobnych učastkach daroh mahčyma hałalodzica. Tempieratura pavietra ŭnačy składzie ad nula da minus 7 hradusaŭ, pry prajaśnieńniach — da minus 10. Udzień — ad minus 3 da plus 2 hradusaŭ.
U sieradu, 25 studzienia, terytoryja Biełarusi znoŭ apyniecca pad upłyvam vobłaści pavyšanaha atmaśfiernaha cisku. Budzie pieravažna biez apadkaŭ, tolki ŭnačy ŭ asobnych rajonach, a ŭdzień pa paŭnočnym uschodzie krainy projdzie karotkačasovy śnieh. Na asobnych učastkach daroh mahčyma hałalodzica. Tempieratura pavietra ŭnačy panizicca da minus 4-11 hradusaŭ, a ŭdzień składzie ad nula da minus 7 hradusaŭ.
