Milicyja zatrymała padazravanaha pa spravie ab razbojnym napadzie na kramu ŭ Smalavičach. Mužčyna ŭ čornaj mascy pahražajučy hvałtam patrabavaŭ vydać jamu hrošy - ale ŭ apošni momant razhubiŭsia i źbieh na rovary. Miarkujuć, što heta nie pieršy taki ŭčynak mužčyny. Padrabiaznaści paviedamlaje UUS Minabłvykankama.
Padazravany — raniej sudzimy 50-hadovy žychar Žodzina, rabotnik adnaho z bujnych pradpryjemstvaŭ horada. U mužčyny znajšli šapku z prarezami, a taksama stylizavany pad pistalet suvienir (padobnym pahražali pradaŭcu ŭ kramie Smalavičaŭ). Pry pieršapačatkovym apytańni zatrymany paćvierdziŭ svajo dačynieńnie.
Supracoŭniki kryminalnaha vyšuku miarkujuć, što fihurant maje dačynieńnie da dvuch anałahičnych złačynstvaŭ u Smalavickim rajonie. 8 kastryčnika niechta napaŭ na mahazin u vioscy Kaluški, adkul zabraŭ 160 rubloŭ, a jašče praź miesiac — na handlovy abjekt pobač z čyhunačnaj stancyjaj Barsuki, vynies 7 rubloŭ. Tam taksama zaŭvažyli padobny na pistalet pradmiet.
— Z apoviedu mužčyny vynikaje, što abjekty vybiralisia z ulikam mahčymaści dabracca da miesca na rovary. Pry hetym jaho nie cikavili kramy niepasredna ŭ horadzie pražyvańnia. A adlehłaść u 10-30 kiłamietraŭ ličylisia całkam prymalnymi dla viełaprahułki, - raspaviali ŭ pres-słužbie UUS.
Pravaachoŭniki vyśviatlajuć matyvy złačynstvaŭ. Viadoma, što mužčyna žanaty i vychoŭvaje dziaciej.
