Respublikanski subotnik u Biełarusi ŭ 2017 hodzie projdzie 22 krasavika. Heta data vyznačana pastanovaj Savieta Ministraŭ ad 11 krasavika 2017 hoda numar 270, paviedamili BIEŁTA ŭ pres-słužbie biełaruskaha ŭrada.
Respublikanskim orhanam dziaržaŭnaha kiravańnia i inšym dziaržaŭnym arhanizacyjam, padparadkavanym uradu, miascovym vykanaŭčym i rasparadčym orhanam, inšym arhanizacyjam rekamiendujecca na dobraachvotnaj asnovie pravieści respublikanski subotnik na rabočych miescach abo ažyćciavić dobraŭparadkavańnie i pryviadzieńnie ŭ naležny stan historyka-kulturnych kaštoŭnaściej, terytoryj nasielenych punktaŭ, padrychtoŭku dziciačych azdaraŭlenčych i spartyŭna-azdaraŭlenčych łahieraŭ da letniaha siezona.
Hrašovyja srodki, zaroblenyja ŭ dzień respublikanskaha subotnika, u tym liku na rabočych miescach, u abjomach, vyznačanych dobraachvotna rabotnikami, uklučajučy rabotnikaŭ, dziejnaść jakich nie źviazana z vytvorčaściu pradukcyi (rabot), akazańniem płatnych pasłuh, pieraličvajucca praz rajonnyja i haradskija vykankamy ŭ abłvykankamy i Minski harvykankam.
Abłvykankamy i Minski harvykankam pieraličvajuć 50 pracentaŭ pastupiŭšych hrašovych srodkaŭ Ministerstvu finansaŭ.
Astatnija 50 pracentaŭ hrašovych srodkaŭ zastajucca ŭ rasparadžeńni abłvykankamaŭ i Minskaha harvykankama i nakiroŭvajucca na rekanstrukcyju, restaŭracyju, adnaŭleńnie historyka-kulturnych kaštoŭnaściej, umacavańnie materyjalna-techničnaj bazy dziaržaŭnych ustanoŭ dadatkovaj adukacyi dziaciej i moładzi, što zabiaśpiečvajuć raźvićcio techničnaj tvorčaści dziaciej i moładzi, stvareńnie i raźvićcio subjektaŭ inavacyjnaj infrastruktury, padrychtoŭku dziciačych azdaraŭlenčych i spartyŭna-azdaraŭlenčych łahieraŭ da letniaha siezona.
Utrymańnie najmalnikami hrašovych srodkaŭ z zarabotnaj płaty rabotnikaŭ, dla jakich 22 krasavika źjaŭlajecca rabočym dniom, pravodzicca ź ich zhody ŭ pamierach, vyznačanych dobraachvotna samimi kalektyvami rabotnikaŭ.
Pastanovaj taksama zaćvierdžany skład rabočaj hrupy pa padrychtoŭcy i praviadzieńni 22 krasavika respublikanskaha subotnika. Jaje ŭznačaliŭ namieśnik premjer-ministra Vasil Žarko.