Kala 5 ranicy 20 krasavika na vulicy Mahistralnaj u Hrodna adbyłosia DTZ.
Mužčyna, kirujučy aŭtamabilem «Mazda», nie vykanaŭ patrabavańni supracoŭnikaŭ DAI spynicca i pasprabavaŭ uciačy.
«Parušalnik staŭ źjazdžać pa praśpiekcie Kasmanaŭtaŭ u bok vulicy Kirava. Na puciepravodzie praśpiekta i vulicy Budzionaha kiroŭca dapuściŭ bakavy zanos i zajechaŭ na tratuar, dzie źbiŭ žančynu. U vyniku najezdu žančyna 1971 hoda naradžeńnia atrymała ciažkija traŭmy i była špitalizavanaja ŭ reanimacyjnaje adździaleńnie. Daktary zmahalisia za jaje žyćcio, ale žančyna pamierła», — paviedamlaje pres-słužba DAI Hrodna.
Pa papiaredniaj infarmacyi, kiroŭcam akazaŭsia raniej sudzimy za chulihanstva 30-hadovy mužčyna, jaki nikoli nie atrymlivaŭ paśviedčańnia kiroŭcy. Miedycynski ahlad vyjaviŭ, što mužčyna pjany. Utrymańnie ałkaholu bolš čym u 6 razoŭ pieravyšała dapuščalnyja miežy.
U ciapierašni čas na miescy DTZ pravodziacca nieabchodnyja pracesualnyja dziejańni.