Rasiejski vajskoviec byŭ zabity na bazie Hiumry ŭ Armenii, paviedamlaje ministerstva abarony Rasiei i palicyja Armenii. Pa źviestkach viedamstva, 21-hadovy vajskoviec byŭ znojdzieny z kołata-rezanaj ranaj šyi kala miascovaj kramy.
«Pa papiarednich dadzienych, zabojstva ździejśniena na bytavoj hlebie», — havorycca ŭ paviedamleńni Minabarony Rasiei. Palicyja Hiumry zatrymała mužčynu, jaki napaŭ na rasiejskaha sałdata.
Hiumry, druhi pa vieličyni horad Armenii, znachodzicca na poŭnačy krainy. Raźmieščanaja tut 102 rasiejskaja vajennaja baza ŭžo nia raz traplała ŭ zahałoŭki hazet.
U studzieni 2015 hodu adzin z vajskoŭcaŭ zastreliŭ šaścioch miascovych žycharoŭ i paraniŭ paŭhadovaje dzicia. Uletku 2015 hoda byŭ zabity kaleham inšy vajskoviec hetaj bazy. U sakaviku taho ž hoda źnikły kantraktnik rasiejskich pamiežnych vojskaŭ byŭ znojdzieny paviešanym kala supermarkieta niepadalok ad Hiumry.
U 2010 hodzie Rasieja i Armenija praciahnuli termin dziejańnia dahavora ab raźmiaščeńni bazy da 2044 hoda.
