Łondanskaja palicyja ličyć zahinułymi ŭ vyniku pažaru ŭ łondanskim šmatpaviarchovym domie Hrenfieł-taŭer pa mienšaj miery 79 čałaviek. Havorka idzie jak pra tych, čyje cieły ŭžo znojdzienyja, tak i pra tych, čyje pareštki znajści pakul nie ŭdałosia, paviedamlaje VVS.
U palicyi ŭdakładnili, što za apošni čas udałosia znajści jašče piać cieł ludziej, jakija ličylisia bieź viestak.
Śledčyja pierakananyja, što danyja ab zahinułych jašče źmieniacca, ale sumniavajucca, što značna. Pa ich słovach, apieracyju pa vymańni cieł sa zharełaha budynka naŭrad ci ŭdasca zaviaršyć mienš čym za niekalki tydniaŭ.
Pažar u 24-paviarchovym budynku Hrenfieł-taŭer u rajonie Paŭnočny Kiensinhtan pačaŭsia ŭ noč na sieradu. Pavodle danych uładaŭ, da pačatku ŭzharańnia ŭ budynku mahli znachodzicca da 600 čałaviek.
Pryčyna ŭzharańnia zastajecca nieviadomaj.
