Piaciora z vaśmi paciarpiełych u avaryi na trasie Kijeŭ — Adesa znachodziacca ŭ ciažkim stanie. Pieršapačatkova źjaviłasia infarmacyja ab tym, što ich žyćciu i zdaroŭju ničoha nie pahražaje. Tut.by udałosia źviazacca z paciarpiełym u avaryi Dźmitryjem Matviejevym. Jaho žonka, troje dziaciej i jon sam usio jašče ŭ balnicy. Jon paviedamiŭ, što adzin z synoŭ znachodzicca ŭ komie, dvoje inšych atrymali surjoznyja traŭmy.
Videa s13.ru
— Majoj žoncy Natalli ŭstalavany aparat Ilizarava, joj praviali apieracyju. 15-hadovy Uład u komie, znachodzicca na štučnaj vientylacyi lohkich. Lekary naohuł dziviacca, jak jon vyžyŭ. Siońnia jamu praviali MRT, i lekary kažuć, što nieviadoma, što budzie dalej. 14-hadovy Jahor atrymaŭ čerapna-mazhavuju traŭmu, pierałom plača i klučycy. Jon ciapier u Kijevie. U trochhadovaha Hleba — razryŭ sielazionki, paškodžańni ŭnutranych orhanaŭ, pierałom klučycy, kiści, udar lohkaha i serca. U mianie — pierałom klučycy, kiści, udar lohkaha i serca, — raspavioŭ Dźmitryj.
Akramia hetaha, jak raspavioŭ Dźmitryj, siamja sutyknułasia z surjoznymi finansavymi ciažkaściami.
— Dzieciam usio biaspłatna, a dla darosłych miedycyna płatnaja. Strachoŭka była, ale pakul nam hrašovych srodkaŭ nie pastupała. Dla nas usie płatna, sumy roznyja, usio zaležyć ad akazanaj dapamohi i lekavych srodkaŭ, — kaža Dźmitryj.
Nahadajem, ranicaj 25 lipienia na trasie Kijeŭ — Adesa sutyknulisia try mašyny, dźvie ź ich byli ź Biełarusi. Kiroŭca aŭtamabila Nissan ź biełaruskimi numarami vyjechaŭ na sustrečnuju pałasu ruchu, dzie ździejśniŭ sutyknieńnie z dvuma aŭtamabilami: Saab i Mitsubishi. Aŭtamabil Saab, taksama ź biełaruskimi numarami, u sałonie jakoha jechali hramadzianie Biełarusi, ruchaŭsia ŭ kirunku Kijeva. Za im išoŭ aŭtamabil Mitsubishi z ukrainskimi dziaržnumarami, u sałonie jakoha taksama byli biełarusy. U vyniku DTZ traŭmy roznaj stupieni ciažkaści atrymali vosiem čałaviek.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)