Zarobak vychavacielek u dziciačych sadkach i jaślach ŭ nastupnym hodzie pavinna być pavialičany ŭdvaja, zajaviŭ prezident Biełarusi Alaksandr Łukašenka, vystupajučy ŭ čaćvier na plenarnym pasiadžeńni Respublikanskaj piedahahičnaj narady, piša sputnik.by.
«Zarobak vychavacielaŭ u dziciačych sadkach i jaślach — katastrafičny, u nastupnym hodzie, my pavinny znajści mahčymaść i padvoić dachod rabotnikaŭ dziciačych sadoŭ i jaślaŭ», — skazaŭ Łukašenka.
Pry hetym jon adznačyŭ, što zarobak nastaŭnikam taksama pavinien być pavyšany.
«Jość vielmi šmat prablem z zarobkam. Ja nie kažu pra pamier. Ale zarobak pavinien być taki kab, viedajučy vaš abjom zaniataści, vy nie skardziłasia na zarobak», — skazaŭ Łukašenka.
Pry hetym jon kanstatavaŭ: viadoma, chaciełasia b, kab byŭ bolšym zarobak, ale heta zaležyć ad raźvićcia ekanomiki.
«Jakim šlacham pojdziem, ministr adukacyi viedaje. Ale my abaviazkova pavinny zrabić hety krok. Asabliva ŭ jaślach i ŭ škole», - padkreśliŭ Łukašenka.
Pavodle źviestak Biełstata, siaredni zarobak u śfiery adukacyi krainy — 299 dalaraŭ u ekvivalencie. Bolš za ŭsio atrymlivaje prafiesarska-vykładčycki skład VNU - u siarednim kala 430 dalaraŭ. Zarobki školnych nastaŭnikaŭ u siarednim składajuć 311 dalaraŭ pa kursie, vychavalnikaŭ i niań dziciačych sadoŭ — tolki kala 200 dalaraŭ.
